Shillong, Naiwieng 26: Mynta ka sngi ki pulit kila kem ia ki 10 ngut ki dkhot jong ka seng HNYF halor ka jingkynnoh ba kila beh ia ki kali jong ki nongwan shangsuwari kiba na Assam ha Umtngngar ha lat ban leit sha Sohra.
Ki pulit jong ka East Khasi Hills District mar ia ioh ia kane ka jingtip ba kala don kata ka jingbeh ia ki kali kiba wan na Assam ha Umtyngngar kila leit bran bran sha katei ka jaka bad kila kem ia ki katba ki dang pyrshang ban beh ia ki kali.
U Superintendent ki pulit jong ka East Khasi Hills la iathuh ba baroh kiba la shah kem ki don 10 ngut bad kine ki dei ki dkhot jong ka seng HYNF, ki pulit kila rah ia kine sha Sardar Police Station ban leh ia kaba don kam katkum ka ain.
Ia kine ki dkhot jong ka seng HYNF kiba la shah kem mynta ka sngi la rah sha iing bishar bad ka iing bishar kala phah ia ki sha ka Judicial Custody, la pyntip u SP jong ka East Khasi Hills Dustrict.
