Shillong, Jylliew 24: U Chairman jong ka Institute of Company Secretaries jong ka India, u Dr Shyam Agarwal ha ka jingialang jong ka National Seminar kaba ar sngi kaba la long ha Shillong u la pynbna paidbah ba ia ki samla ka dong shatei lam mih ngi jong ka Ri India kiba register ia lade na ka bynta ban pule Company Secretaries shuwa ka 31th Lber 2018 kim don kam ban siew ia ka bai rung.
U Dr Shyam, u la kren da kaba shai ba kam don skhim ei ei ruh em la ka dei na ka sorkar pdeng ne ka sorkar jylla ha kaba ia dei bad kane, hynrei kane ka dei ka jingkwah jong ka Institute ban pynshlur ia ki samla kane ka dong shatei lam mih ngi ba kin shim ia kane ka kyrdan pule kaba kongsan tam ha kane ka juk kaba mynta.
U la ong haba u peit na ka jingdon jong ki samla pule ha ka Ri Baroh kawei ha kane ka Institute of Company Secretaries jong ka India ha ka Ri baroh kawei, ki samla pule ki dong haduh saw lak ngut, na North East ki don tang kumba 5000 ngut bad na kine ki 5000 ngut, kiba na ka jylla Assam ki don haduh kumba 4000 ngut bad na kiwei ki hynniew tylli ki jylla ka North East ki don tang kumba 300 ne 400 ngut.
U Dr Shyam u la ong ba ha kaba sdang u la don da kawei ka jingpyrkhat ia kane ka thain baroh kawei, hynrei ynda u la wan da la de sha kane ka dong bad ka thain shatei lam mih ngi jong ka Ri India, u shem ba ki briew jong kane ka dong bad ka thain ki long kiba shemphang bad ka iapher na kaba u pyrkhat. Ka Institute mynta ka phai khmat sha kane ka thain bad u ba ki samla kane ka thian kin long ki nonglam ktien ha kaba ia dei bad ka jingkwah jong u Myntri rangbah duh jong ka Ri India ha kaba u nong ‘New India’.
