Shillong, Nohprah 14: U Madhukar Gupta, Chairman jong ka Committee bad dkhot jong ka National Security Council Sectt (NSCS) mynta ka sngi u la ia kynduh ia u myntri rangbah ka jylla u Dr Mukul Sangma ban ia kren ha kaba ia dei bad ki kam khappud bad ka Ri Bangladesh.
La ong ba ha kane ka jingiakynduh, la ia mir jingmut kumno ban pynkhlain ia ka jingiada ha khappud bad ka Bangladesh bad ban wad kilad ki lynti kumno ban dang kham pynkhlain shuh shuh bad ha kane ka jingiakynduh la ia kren ruh ia ki kam ker ksainar shiah ha ki jaka khappud bad ka Bangladesh.
Ha kane ka jingiakynduh la don lang ruh ki heh shipai bad kiwei kiwei ki ophisar na ka liang jong ka sorkar pdeng bad kum juh na ka sorkar jylla kiba la synran lang ia u myntri rangbah.
