Shillong, Iaiong 24: Ka kynhun wad bnaih kaba hynniew ngut na ka Ri Japan ia kaba la tip kum ka “PADCO Study team” mynta ka sngi kala ia kynduh ia u Chairman jong ka Meghalaya State Planning Board u Bah Lambor Malngniang ha kaba la ia don lang ki ophisar na ka tnat pule puthi, ka tnad shna surok bad na ka tnad ka koit ka khiah.
Haba kren ha ki nongthoh khubor ha dien ka jingiakynduh bad kane ka kynhun na ka Ri Japan ia kaba la phah da ka kompeni,Japan’s International Cooperation Agency (JICA). U Chairman jong ka stad Planning Board u la iathuh ba ka jingiakren ka long ha ki lai tylli ki bynta, ki surok, ki skul bad ka koit ka khiah.
U Chikai Kaurina Ma, u nongialam ia kane ka kynhun u la kren shai kdar ba ka “PADCO study team” la phah ia ki da ka kompeni Japan’s International Cooperation Agency (JICA) ban wad bniah ia ka jinglong jingman jong ki san tylli ki jylla ha kane ka dong shatei lam mih ngi jong ka Ri India, ka jylla Meghalaya, Assam, Nagaland, Miziram bad Tripura, laitnoh ka jylla Arunachal Pradesh bad Manipur ym shym la ai na kidaw ba kam long ka shngain ha kitei ki ar tylli ki jylla.
U Chikai Kaurina Ma, u la ong ba ia ka kaiphot ha kaba ia dei bad kine ki san tylli ki jylla kin sa ai sha ka JICA hapoh ki hynriew bnai khien naduh mynta ka sngi, ha kane ka jingialang wad la kam dei ka bynta hynrei kila ia kren lada ki lah ban wad kilad ki lynti kumno ban pynlait ia ka jingkhapngiah kali hapoh kane ka nongbah Shillong.
Kane ka kynhun kan wan biang sha kane ka jylla ha u bnai Jylliew Naitung shuwa ba kan ai ia ka kaiphot sha ha u Nailur sha ka JICA. Haba ia dei bad ki jingtrei kiba yn sa shim ia ka rai ka shong ha ka JICA, ka sorkar India bad ka sorkar Meghalaya la ong u Chikai Kaurina Ma.
