Shillong, Risaw 15: U myntri ka koit ka khiah jong ka jylla Gujarat u Kishor Kanani ba dei peit ia ka koit ka khiah ha katei ka jylla u la wan sha Meghalaya mynta ka sngi ha kaba u la ia kynduh ia u mytnri rangbah ka jylla u Cornad K Sangma ha ophis trei kam jong u ha Shillong.
Kane ka jingiakynduh jong u myntri ka koit ka khiah jong ka jylla Gujarat ka long ba kum ka jingkynduh sngewbha ha ka jingwan jngoh ka jong u ia ka jylla Meghalaya. Ha kane ka jingwan sha ka jylla Meghalaya u myntri ka jylla Gujarat u la wan lang bad ka kynhun jong ka tnad ka koit ka khiah na katei ka jylla.