Shillong, Nailar, 20: Ka myntri kam poh iing ka kong Roshan Warjri, ha kine ki sngi ka la leit ban jngoh ia ka Khatsawphra College ha Mairang ha kaba kala ia shim bynta ban ia thung dieng bad ki samla pule jong kane ka College ha phyllaw jong kane ka jaka pule.
Naka liang jong ka kong Roshan kala ai ka jingiaroh ia kane ka college kaba la lah ban pynlong ia ka jingthung dieng ha sawdong jong kane ka jaka pule bad ia myntri la synranlang da ka kong (Dr) E Lyngdoh , u Rev IW Nongsiej bad u Rev SL Warjri.
Na ka liang jong ka College kiba la ia don lang ha kane ka sngi ki long u Bah Boldness L Nongum principal, kong Aida C War Vice Principal, ryngkat ki khynnah skul kila pynlong ia ka jingthung dieng ha kane ka College.
