Shillong, Jylliew 21: U president jong ka Ri India u Pranab Mukherjee u la ia shim bynta ha ka jingle bunran ia kane ka sngi Yajo kaba ar ha Rashtrapati Bhavan katba u mynti rangbah duh jong ka Ri u Narendra Modi, u la ia shim bynta ha kane ka sngi ia ka jingrakhe ia ka Yoga ha Chandigarh.
Ha ba kren ha ka jingrakhe ia kane ka sngi u president u la pynkynmaw ba ha ka 11 tarik jong u Nohprah jong u snem 2014 ba ka dorbar bah jong ka pyrthei ha kaba 177 tylli ki Ri kila ia mynjur lang ban pynlong ia ka 21 tarik u bani Jylliew kum ka sngi ban rakhe kum ka “International Yoga Day”. Ha Rastrapati Bhavan kiba la poi ban ia shim bynta ki long kumba 1000 ngut.
Ha ka jingkren jong u myntri rangbah duh jong ka Ri haba kren ha kane ka sngi burom ia ka International Yoga Day ha Chandigarh u la ong ba kane ka jingleh ia ka Yaoga ka iarap ia u briew ban ioh ia ka jingkoit jingkhiah ha kaba kiba duk bad kiba riewspah ruh ki lah ban leh ia kane khlem da don kano kano ka jingktah ia ka pla tyngka.
U myntri rangbah duh jong ka Ri u la ong ba ia ka jingpang shini lah ban pynduna da ka jingle ia kane ka Yago, na ka liang ka sorkar kan pynshulur ia ki briew ban leh ia kane ka Yoga.
