Shillong, Nailur 21: Ha ka miet 20 tarik mynta u bnai kala don ka jingiakajia ha pdeng ki ar ngut ki pulit hapoh jong ka Police Reserved bad kane kala poi haduh u pud ba kin ia ktah kti uwei ia u wei pat bad ha kane ka jingjia u Leobirth R Marak u la dung ia u Poliberth D Marak.
Kane ka jingjia kala jia ha ka por 9.45 baje ei ei mynmiet, ha kane ka jingshah dung u Poliberth u la mynsaw bad la rah ia u sha poh civil hospital na ka bynta ban shah sumar ka jingtohkit na ka liang jong ki pulit ka dang iaid.
Ha kawei pat ka jingjia ba sngewsih, kala don ka jingiatyngkhuh kali ha Wahlakhaw, ha kaba ka kali Tata Sumo kaba don ia u number ML-01-7046 kaba dei ka kali jong ka tnad ka koit ka khiah ia kaba la niah da u bah Donkupar Chyne kala leit ban tynrah ia ka Dumper truck ha Wahlakhaw, NH-44E kaba hap hapoh jong ka Mairang Police station jong ka West Khasi Hills District.
Ha kane ka jingjia ka Dr C Iangrai kaba don ha kane ka kali kala mynsaw bad la rah ia ka sha Woodland Hospital ban phah sumar, na ka liang jong ki pulit kila pynlong ia ka jingtohkit.
