Jowai, Rymphang 14: Ka Jiantia Hills Autonomous District Council (JHADC) mynta ka sngi kala pynlong ia ka election ban jied ia u Doloi ba pura jong ka Elaka Jowai, Ka jingiakhun ia kane ka election ka long para marwei hapdeng uBah R K Ram Rymbai bad u Bah Puramon Kynjing.
Ka jingjied ia u Doloi jong ka Elaka Jowai ka long tang ki rangbah jong ka Elaka bad ki nongjied ki don 24532 ngut bad na kine kiba la wan ban thep vote ban jied ia u Doloi ki long tang 16518 ngut, kiba khlem poi thep vote ki long 8014 ngut kane ka long katkum ka jingiathuh ka Administrator na JHADC.
Na ka liang jong ka Administrator kaba pyniaid ia kane ka election jied Doloi jong ka Elaka Jowai mynta ka sngi la ong ba ka election kala iaid beit ha baroh kawei ka Elaka ha kaba kam shym la don kano kano ka jingjia ba sngewsih.
Lah ban pynkynmaw ba u Bah K Comet Rymbai u la khlad noh kyndit kum u Doloi ba pura jong ka Jowai Elaka bad kane ka Elaka kala sah shipor khlem u Doloi ba pura bad mynta ka sngi ka JHADC kala lah ban pynlong ia kane ka election bad ka jingniew vote kan long ha ka 17 tarik mynta u bnai.
