Shillong, Nohprah 13: Ka MDC election shiteng samoi kaba la long mynta ka sngi kala iaid beit iaid rynthih khlem da don kano kano ka jingjia ba sngewsih ha baroh hynniew tylli ki konstitwnesi, ka jingpoi jong ki nongthep vote ban jied ia ki nongmih khmat baroh ka long 63.14 percent, la ong u Bah Tinning Dkhar Secretary jong ka DC(A).
La ong ba ka jingpoi jong ki nongthep vote baroh ha ki hynniew tylli ki konstitwensi ka long 63.14 percent lah ban tan khyndait namar ba ym ioh ioh thikna bha ia ka jingkhein haduh ba ai ia ka jingpyntip sha ki lad pathai khubor.
La iathuh ba ka konstitwensi kaba la wan bun eh ki nongthep vote ka long ha 1-War East jong ka JHADC ha kaba ki nongthep vote kila poi haduh 80 Pc ha kane ka konstitwensi, kaba hap hapoh jong ka West Jiantia Hills District.
Katba ki konstitwensi kiba hap hapoh jong ka KHADC, kaba bun eh ka dei ka Mairang ha ka ki nongthep vote kila poi 67 pc, but sa ka Mathadraishan 66pc bad ka Rambrai 54pc. Kine baroh lai tylli ki hap hapoh jong ka West Khasi Hills District.
Katba ki lai tylli ki MDC Constitwnesi kiba hap hapoh jong ka East Khasi Hills District pat, ka Nongkrem kila poi thep vote 57 pc, ka Laban-Mawprem kiba la poi thep vote ki long 64 pc, katba ka Nongspung-Sohiong 54. u R O jong ka East Khasi Hills u Bah PS Dkhar u la ong ba ki dang don ki polling station ba pat ioh hynrei la antad ba kan nym da bun shuh.
Na ka liang jong ka DC(A) kala pynpaw ia ka jingsngewnguh iaki paidbah kiba la lah ban pynlong ia kane ka Election kaba iaid beit iaid ryntih khlem da don kano kano ka jingjia ba sngewsih ha ka juh ka por ruh ia baroh ki ophisar kiba la don kti lang ha kaba pyniaid ia kane ka election.
