Shillong. Risaw 3: U Commanding Officer, Special Force-10 la ong ba ia ka “Passing Out Parade” jong ka kynhun pulit ba kyrpang jong ka SF-10 Commandos yn pynlong ha Mawiong ha ka san tarik mynta u bnai ha ka por 11.30 baje mynstep.
U myntri rangbah ka jylla u Dr Mukul Sangma yn sa shim ia ka salute kum u kongsan, ha kane ka sngi kin ia don lang bun ki heh sorkar bad kiba ha iing hasem jong kine ki pulit commando kiba la sha hikai kyrpang.
Ia kane ka kynhun pulit ba kyrpang ia kaba la ai kyrteng SF-10 la thaw na ka bynta ka jingdon kam jong ka jylla ba ka jylla ka dei ban don ia ka khynhun pulit ba kyrpang ban ia khun pyrshah ia ki kam lehnoh, ban tem ia ki jingiakhih paidbah ha ba mih ki jingeh.
Ka kynhun ba nyngkong jong ka SF-10 , kila pyndep ia ka jinghikai ka jong ki hynriew bnai kum ka kynhun pulit, hynrei nalor ka tei la hikai kyrpang s alai bnai shiteng tang ha ki kam ia khun ia ki kam lehnoh ha kaba la hikai kyrpang da u Brigadier W.B.J Sturgeon bad ki nonghikai kiba la wan ka ka kynshun shipai ki ‘Army Special Forces’ bad na ki pulit jong ka jylla. Iaki la hikai kumno ban ia khun ia ki kam lehnoh ha khlaw bad kumno ban leh ha ba don ka jingiakhih ha sor.
Baroh ki pulit ‘commandos’ ki ban sa shim ia ka jingsmai ha ka kam pulit ha ka san tarik mynta u bnai ia ki yn phah sha ki kam ban ia khun pyrshah ia ki lehnoh, nalor kata kan don ruh ka jinghikai kaba kyrpang hapoh jong ka Rapid Action Force jong ki CrPF.
