Shillong, Rymphang 12: Mynta ka sngi ka “Ka Sur Paidbah ka Bri-Hynniewtrep” mynta ka sngi kala ia kynduh lang ha Shillong ban ia kren halor ki jingeh jong ki paidbah kiba don hapoh ka Raid Labang Nongphylut kiba la shah pyndik la biang ha ki briew na ka jylla Assam.
Ha kane ka jingialang la ia mir jingmut bha bad la ia kren sani bha katkum ki jingthoh kiba la pynmih da ka sorkar Assam ha u snem 1957 bad kane ka jaka ka hap hapoh jong ka Blok-I, ka jingiakren naduh katei ka por ki paidbah katei ka jaka kila kwah ban don ha Jowai Division.
Haba la ioh ia ka jylla ruh kala don ka jingiakren ba ia kane ka Blok one dei ban wanrah noh sha kane ka jylla Meghalaya bad ki paidbah katei ka thain kiba don 36 tylli ki shnong kiba dei ki pnar suda ki kwah ban wan phai sha Meghalaya.
Ha kane ka sngi la ia kren ban wat ia ki lat ki lynti ban ia kren katkum ki sakhi satar namar ba kine ki paidbah dei hapoh jong ka jylla Meghalaya namar dei tang ki Garo Khasi Pnar kiba shim jait na ka kmie bad ka ioh pateng na ka kmie, hynrei ka Assam kam ithuh ia kane.
Ha kan ka jingiamir jingmut la shim ia ka rai ban thoh sha ka sorkar jylla bad kum juh sha ki Deputy Commissioner jong baroh ar tylli ki jylla bad kum juh shai ki District Council ban pyni ba katei ka Raid Labang Nongphylut ka dei ka bynta jong ka jylla Meghalaya.
Ha kane ka jingialang la pyniaid da u shongknor ka KSUP u bah Rast Thabah, ki nongaibuid ka seng u Bah Erwin Sutnga, bah John Kharshiing, ha kane ka sngi la don lang ruh ki riew rangbah na a Raid Labang Nongphylut ban ia mir jingmut kumno ban pynioh biang ia katei ka jaka sha Meghalaya.
