Shillong, Jylliew 05: mynta Ka sngi ka dei ka sngi ba ar jong ka jingiakai Inter- School Athletic meet kaba la pynlong da jylla Meghalaya, ha Jawahalal Nehru stadium complex polo Shillong. Bad ba la pyniaid iakane ka jingialehkai da ka sport department jong ka jylla.
Laioh ban ban bteng biang kane ka jingialeh kai mynta ka sngi ha ka por 7:30 mynne ha ka por mynstep bad ki jingialeh ha kane sngi baroh ki iaid beit iaid ryntih khamtam ka mariang ruh ka ailad bha ha kane ka sngi baroh sngi ia ki khynnah ba kin ia lehkai.
Ka don ka jingduna ha ka liang jong ka sport department khamtam eh ba kim lah ban pynbiang ia ki jingdonkam jong ki ki khynnah kiba iashim bynta ha ki jingialehkai kum ha ka mareh ba 400, 800, bad 1600 meter bad ki wei ki wei ka jing bym biang kum ki juti canbas haka por ba ki mareh ki khynnah ki la kyllon noh tang mar shiteng jong ka jingiamareh.
Kumta ki khynnah ki bym don ki hap ban mareh kjat suda kane ka jingbym biang ka ktah shibun eh ia ki nong ialehkai khamtam eh ki khynnah khynthei, ki khynnah kiba kyllon hakane ka sngi haka por ba ki dang mareh ki don kumba 5 lane hynriew ngut baroh ki dei ki khynthei.
Lashai ka sngi yn pynkut noh ia kane ka Inter- School Athletic meet ha ka jylla, bad baroh ki khynnah kin ia leit phai noh hala ki jong ki jong ki district kaba ki sah, mynta ka sngi kane ka jingialeh kai ka long kaba shongshit bha, kham tam ka East Khasi Hill District ka la ioh ban khur bun ki khusnam ha kane ka sngi. (SP News)
