Shillong, Jylliew 28: U secretary jong ka DADF,u Devendra Chaudhary u la khot ia ka jingialang kaba kyrpang jong ki Principal Secretaries bad Secretaries jong ki heh sorkar jong ka dong shatei lam mih ngi jong ka Ri India kumno ban ialeh ban kyntiew ia ki kam ri jingri ha kane ka thain.
Kane ka ka jingialang kaba la pynlong ka long kumno ban wad ki lad ki lynti ban kyntiew ia ka ioh ka kot jong ki nongrep bad kyrpang ia kane ka dong shatei lam mih ngi jong ka Ri India bad ia kane ka skhim la tip kum ka jingri syiar ha lyndet iing na ka bynta ki nongrep.
katkum ka National Livestock Mission (NLM) la mang pisa haduh T.4300 lakh ia ki jylla kane ka thain na ka bynta u snem mang tyngka 2016-2017, na ka bynta ka jylla Meghalaya bad ia ka jylla Nagaland la bthah ba kin phah ia ka jingdon kam jong ki ban ioh ia ki khun nsiang mar shi spah tylli ban buh ha ki jaka ri jong ki bad kine ki sniang ki dei kiba lah ban heh kloi. Kane ka jaka wad bniah ia ki sniang ka don ha Rani ha Guwahati.
La bthah ia ki sorkar jylla ba kin wan rah ia ki plan jong ki kumno ban pynioh ia ki blang ki sniang kiba bha bad kiba lah ban san kloi, u Chaudhary u la ban jur kumno ban pynduna ia ka jingdon jong ki wih ha kitei ki mrad bad na ka bynta ka jylla Meghalaya la mang pisa T.100 lakh na ka bynta kane ka kam.
