Shillong, Kyllalyngkot 14: Ki shipai BSF kiba don ha khappud bad ka Bangladesh ha jan Baghmara kila ioh ban kem ia u wei u briew bad na u la ioh ban kurup ia ki bniat Hati katba dang mut ban rung sha Banglasesh.
Ki shipai BSF kila iathuh ba u briew u ba kila ioh ban kem dei nong India bala don kti ha kane ka kam khaii beain ia ki mrad khlaw, ia ki bniat hati la ioh ban kurup na ka met jong katba u dang kit.
Na ka liang jong ki BSF kila aiti noh sha ki briew jong ka tnad khraw ka sorkar Meghalaya kaba don ha Baghmara ka ophis jong u District Forest Officer naka bynta ban pynlong ia ka jingtohkit halor kane ka kam beain.
Ki BSF ki long kiba peitngor ha khappud bad ka Bangladesh ban pynthikna ba kan nym don kano kano ka jingiakhaii beain ha khappud bad haka juhka por ban iada ia u pud u sam jong ka ri ban khanglad ia kiba wan rung beain bad ki kam khaii beain.
