Shillong, Iaiong 16: Ki shipai BSF kiba don ha Dawki ha rud ka wah Umngot kila ioh ban kem wei u khar Bangladesh katba u dang mut ban rung na India sha Bangladesh, ka met jong u kila ioh ban kurup saw lak tyngka ka pisa India.
Haba la ioh ban kem u ne u khar Bngladesh u la iathuh ba ka kyrteng jong u ka dei Md. Iqbal Miah 45 snem na ka shnong Upsahar na ka District Sylhet jong ka Ri Bangladesh, ia u la ioh kem na ka jaka kienglieng ha wah Umngot, ka jingkem ia u ka long ba ki isuba ia ka rukom iaid jong u.
Na ka liang jong ki shipai BSF ki dang tohkit ban lap mynta na ei katei ka pisa ka wan bad mano bala ai sha utei u briew, ki BSF kila aiti sha ki pulit jong ka Dawki ba kin leh ia kaba don kam katkum ka ain.
