Shillong, Naitung 30: Ki pulit jong ka Bajengdoba katba ki dang iaid pharah kila lap ia kawei ka Bike Pulsar 220cc ha ki bynta jong ka Merongdigre kaba ki pulit ki suba ka dei ka bike kaba la shah tuh.
Ha ka jingtohkit jong ki pulit la shem ba kane ka Bike ka dei kaba la shah tuh na Dudnoi bad ia ka ejahar la register ha katei ka jaka police station katkum ka jingmudui No. 29/2025 u/s 303(2) BNS.
Na ka liang jong ki pulit ka Bajengdoba kila aiti noh ia kane ka bike sha ki pulit jong ka Dudnoi ban leh ia kaba don kam katkum ka ain ban dang bteng shuh shuh ia ka jingtohkit ban lap ia kiba don kti ha kine ki kam tuh bike.
Na ka liang ki pulit jong ka North Garo Hills District kila kut jingmut ban ia khun pyrshah ia ki kam sniew kam tuh kam lute la ka long ha kano kano ka bynta ruh kum juh bad ki don ka jingkit khlieh ban ai ka jingshakri ia ki paidbah ban pynioh ia ka hok ka jong ki.
