Shillong, Iaiong 05: Ki shipai BSF ba dei na ka 172 battalion jong ka jylla Meghalaya haba kila ioh jingtip ba ka don ka trok kaba kit kwai Supari bad kila pynlong ia ka jingap ktem ha shnong Umkiang ha East Jaintia Hills District bad kila ioh ban bat ia katei ka trok bad laioh ban kurup ia u kwai Supari bala shong dor hduh T.1.25 klur tyngka.
U nongniah ia katei ka trok la iathuh ba ia u ne u kwai Supari la wanrah na Myanmar bad la wan kit sha Silchar da ka jingthmu ban pynpoi sha Barpeta jong ka jylla Assam, na ka liang jong ka ki pulit kila ujor ia ka ejahar hapoh Umkiang Pulit Station ban leh ia kaba don kam katkum ka ain.
Kane ka dei ka sien kaba lai ba ki BSF kila ioh ban kurup shibun kwai supari, ha katei ka juh ka sngi la ioh ban kurup jain sari na Muktpur ha West Jaintia Hills District kiba la shongdor haduh T.13 lak tyngka ia kine ki jain sari la aiti sha ki Customs kiba don ha Dawki.
