Shillong, Nohprah 13: Ki pulit jong ka jylla Meghalaya ryngkat bad ki pulit jong ka jylla Nagaland kila ioh ban pynpra ia ka ktem jong ki leh noh ka tei ka jylla kiba la buh ktem ha kane ka nongbah Shillong, kane ka jingioh pynpra ka long ha ka por shiteng miet kumba 12.30 baje ei ei ha ka dong Lumdingsoh.
Haba kren ha u SP News Agency u bah Vivek Syiem u la ong ba ki pulit kila ioh jingtip ba ki don ki lehnoh jong ka jylla Nagaland kiba la wan thaw ktem ha kane ka nongbah Shillong, ha dien ba kila wad jingtip kila suba ba ki sah ha kawei ka iing ha Lumdiengsoh.
Ha ka por miet ki pulit kila leit ban ker kut ia kane ka iing hynrei ki briew kiba don ha kane ka iing kila ioh ban phet, Na kane ka iing ki pulit kila ioh ban kurup kawei ka Laptop, ka Computer bad shibun ki kot ki sla bad na kine ki kot ki sla la shem ba ka kyrteng jong kane ka hynhun lehnoh ka dei ka Eastern Naga National Government (ENNG).
Na kine ki kot la lap ba kane ka kynhun lehnoh kala dawa pisa na kawei ka Company kaba na mumbai kaba trei ha Nagaland bad kajingdawa ka long T.35 lak tyngka, hynrei kumba ka paw ba ha dien ka jingiadait dor kila ia poi sha ka jingiamynjur ban siew 3% na ka kam kaba ka cpmpany ka trei. Na ka liang jong ki pulit mynta ki dang peitngor ban ioh kem ia kine ki briew jong kane ka kynhun seng lehnoh.
