Shillong, Naitung 02: U Bah Mawdaker Marwein, 2nd in Command jong ka Border Wing Home Guards Battalion jong ka jylla Meghalaya haka jingiakop siat suloi kaba la pynlong da ka Meghalaya State Shooting Association ha ARC Firing Range ha Happy Valley u la ioh ia ka takama ksiar ha ka jingiasiat kaba .22 riffle kaba 50 metter ha ka 3rd Meghalaya State Shooting Championship.
Ha ka bynta kaba lai jong kane ka jingiakop la kiba la ia shim bynta na kane ka jylla Meghalaya ki long ka Meghalaya Civil Defence bad Home Guards, Meghalaya Police bad na ka liang jong ki riew paidbah. Naka liang jong u Directorate jong ka Civil Defence bad Home Guards u la phah ia ka kynhun kaba ar ngut ba kin leit ban ia shim bynta ha katei ka jingiakop siat suloi.
Na ki san tylli ki kyrdan jingiakop la phah ar ngut ki briew ban ia khun tang ha kawei ka bynta kaba ia hap bad ki ha kane ka jingiakop, Da kane ka jingjop ha kane ka jingiakop siat suloi, ka la plie ka lad ia u bah Marwein ba un ioh ban ia shim bynta ha ka jingiakop haka “Zonal competition” kaban long ha Shillong haka 15 tarik mynta u bnai.
Kane ka long ka sien kaba ar ba ka ki briew na ka Meghalaya Civil Defence bad Home Guards kila rah ia ka thong ha ka jingiakop ha ka jylla ia kaba la tip kum ka state level Competition. Ha u snem ba la dep u Bah Pynskhemlang Surong ruh u la ioh ban rang ia ka takma ksiar ha kane ka juh ka kyrdan.
