Shillong, Jymmang 06: Ka All Meghalaya Karate Do-Association (AMKDA) kala phah 74 ngut ki rang bad ki thei ia kura ha ka jingiakop kaba la long ha Karnabir Nabin Chandra Bordoloi Indoor Stadium, Sarusajia, Guwahati.
Ha kane ka jingiakop ia kura kaba la tip kum ka DEO HAH All India Karate Championship 2024 kaba la long ha 27 bad 28/Iaiong /2024, ha kane k jingiakop kane ka kynhun ia kura kala ioh 10 tylli takma ksiar, 18 tylli takma Rupa bad 29 tylli takma Rynong.
Ia kane ka kynhun ia kura la ialam da u Arjun Sewa, bah Dpnboklang Lyngdoh bad u Mingson Rymbai, na ka liang jong ki rang ia kura na kane ka jylla Meghalaya kila pyniia ki sap ki phong ka jong ki bad kila wanrah ruh ka burom ia ka jylla.
