Jowai, iaiong 08: U wei u samla ia uba la tip kyrteng kum u Kitbok Dhar, 20 snem ka rta uba shong ba sah ha ka dong Lumbehkhla Nangbah u khun jong ka kong Tip Dhar, u la jah rngai na la iing naduh ka 5 tarik jong u bnai Iaiong 2014 ha ka por kumba 9 baje mynstep bad haduh mynta ym pat shem la lap satia ia u.
Halor katei ka jingjia kiba haiing hasem jong u, kila leit ban ujor sha Police Traffic Cell ha Phramer na ka bynta ban wat ia u tei u samla, kiba ha iing jong u kila la ong ba ym shem la tip satia ei ei shano u leit bad la suba jur ba u la leit ruma shano re shano.
Na ka liang jong kiba ha iing hasem jong utei u samla kila kyrpad ia kino kino ki briew kiba ioh jingtip holor utei u samla, u ba phong ia ka patlun Jean, ka Sweater rong blue thoh saw, uba jrong kumba 5 phut 2 inchi bad u shniuh uba lyngkot, ba kin sngewbha ban pyntip mar mar ha kine ki No-Phone 9856155908, 9856390606 lane sha ki Police ha Phramer- 9862721266.(SP News)
