Shillong, Jylliew 19: Ka jingkylli kaba mih mynta ka long ka skhim shna surok na Mawphlang sha Umpung kaba la buh ban bei pisa na ka Asian Development Bank (ADB) na ka liang jong ka PWD kala phah ia ki briew jong ka ban jurip ia kane ka surok na ka por sha ka por naduh Mawphlang sha duh Umpung.
Na ka jingkren jong u myntri rangbah ha ki lad pathai khubor , u la ong ba ka surok kan rung na Mawphlang sha Weiloi bad kan poi sha Mawkyrwat haduh ban da poi sha Ranikor. Na Balat sha Shella ban iaid na khappud bad ka Bangladesh bad ia kane ka surok la buh na ka skhim jong ka NLCPR.
Katba ka surok na Weiloi sha Mawsynram, sha Umpung kala shah ieh noh kumba ka paw na ka jingkren jong u myntri rangbah, ha shi lynter kane ka surok ki don da ki phew tylli ki shnong bad kane ka surok ka long kaba sniew haduh katta katta.
