Shillong, Naitung 22: U Bah DD Lapang u ba dei ruh u MLA jong kane ka jaka mynta ka sngi u la buh ia u Mawnongrim ban shna ia ka iing skul jong ka Nongtluh Secondary School, Diwon ia kaba yn bei pisa da ka Asian Development Bank (ADB) ha ka jinglut kaba T. 2,24,35,000/- ha ka shnong Diwon kaba hap hapoh jong ka Ri Bhoi District.
Haba kren ha kane ka jingialang kum u kongsan na ka liang jong u bah Lapang u la ong ba ka Ri Bhoi ioh saw tylli ki iing skul ban tei na ka jingbei pisa jong ka ADB ki long ka Nongtluh Secondary School, Diwon, Alpha Higher Secondary School, Nongpoh, Nehru Memorial Secondary School, Umsning bad ka Mynken Higher Secondary School, Bhoirymbong.
Kiwei ki riew rangbah kiba la ia don lang ha kne ka sngi ki long u Bah RR Makdoh CEM ba rimjong ka KHADC, Bah D Hynniewta ADC, bah R Kharbihkhiew BDO jong ka Umling, u MD Decca joint director ka tand ka pule puthi ka jylla. Lem bad ki paidbah kiba la ia sakhi lang ia kane ka sngi.