Shillong, Nailur 12: U samla John Lanong ula wan ha ka kyrdan kaba nyngkong napdeng kiwei pat ki nongleh magic na ki jylla bapher bapher ha ka jingiakop kaba long ha ka 9 tarik Nailur 2016 ha District Library jong ka nongbah Guwahati Assam .
Ia kane ka jingiakop lah khot pynlong da ka North East Magic Academy (NEMA) kaba long ruh kum shi bynta ban kynmaw burom ia u nongialeh Magic na Assam u Jadu Samrat M. Hussein ha ka lyngkhuh sngi iap ba 17 snem ka jong u.
Ha Assam u John u lah pynthame ia ki nongbishar da ki sap leh jadu jong u. Ha kane ka competition lah phiah ha ar bynta, kata ka long Stage Magic bad Closeup Magic, bad u John u lah long uba lah duh ban jop syndon ia ka nam Magician’s Day 2016.
Lah ban pynkynmaw ba u John udei ruh u nongjop ba Nyngkong jong ka Talent Search Competition hangne ha nongbah Shillong ha u snem ba lah dep 2015 kaba ai kyrteng “Just Do Anything”