Shillong, Jymmang 11: Ka shnong Lamalong kaba don ha Ri Bhoi District ha khappud bad ka Karbi Anglong District ka jylla Assam ka don palat 200 tylli ki tnum iing bad ha kane ka shnong ka don ka skul kaba ki khynnah kane ka shnong ki leit ban pule.
U rangbah shnong Rolingstun Mangu haba kren ha u SP News Agency u la iathuh namar ka jingjot ka iing skul kala buh ia ki khynnah pule ha kane ka skul ha ka jingeh khamtam lei ha ka por slap na ka daw jong ka jingjot ka iing skul.
La iathuh ba la bun bun snem mynta ym shym la pynbha ia kane ka skul bad na ka liang jong u u kwah ba ki bor sorkar kin peit lem ia kane ka jingeh ha kaba ia dei bad kane ka skul kaba la jot la pra bad ki khmih lynti ba ki bor sorkar kin leh eiei ban pynbha ia kane ka iing skul hapoh ka shnong.
U rangbah shnong u la pynpaw ruh ba kum ka shnong kala donkam ia ka iing dorbar ban pynbha namar ka jingjot jong ka kala buh ia ka shnong ka thaw ha ka jingeh haba iadei bad ka jingpynlong ia ka jingialang ban ia kren ia ki kam shnong kam thaw.
