Shillong, Jylliew 25: U bah KP Pangniang EM ba dei peit ia ka tnad Elaka mynta ka sngi ula ong ba ka thma iaknieh jaka jong ki Hima , ki raid, ki Elaka kine ki mih namar kim ia u pud u sam ba tikna ha ki bad na ka liang jong ka Council ka la leh shitom halor kane ka mat ban lum ia ki khlieh nongshynshar kiba hapoh ka district council ban pyntikan ia upud u sam jong ki Hima ryngkat bad ka Map.
U bah pangniang haba jubab ia ka ka mat jingiatai nia ba la wanrah da u bah ba la wanrah da u bah Jansing Tynsong MDC congress na Lyngkyrdem laitkroh konstitwensi u la ong ha kaba ia dei bad ki hima ki raid bad ki elaka bad ki shnong ki dei ban don noh ia la ka jong ka map bad lyngba kane ka map lah ban pynkut ia ki jingeh baroh bad ki jing iaknieh pud ha ki Hima.
U la ong ruh ka jylla Meghalaya kan sa rakhe ia ka jingdap ba 40 snem ba pura jong ka jylla ba pura hynrei khlem u pud u sam u ba biang bad ba tikna ngim dei ban pdiang ia ka Map jong ka Meghalaya namar bun ki jaka la duh noh.
“Nga la kylli ruh ia ki revenue officer jong ka sorkar jylla ba kumno kin rakhe ia kane ka jingdap ba 40 snem jong ka jylla haba tang ia ka Map ba tikna bad pura ruh ym don bad bun ki shnong bad ki jaka kiba dei jong ka jylla Meghalaya ki la shah knieh noh ha ka jylla Assam” la ong u bah pangniang
U bah pangniang u la ong biang ba la palat spah ki shnong kiba dei jong ja jylla Meghalaya kila shah knieh noh ha ka jylla Assam kum ka Block II, Langpih bad ki wei ki wei, ha kaba iadei bad kane ka sorkar Jong ka Meghalaya ka dang don ha ka jingiakren bad ka dang iaid sha khmat.
Bad na ka liang jong ka Ec ruh kan ialeh shitom ban lum ia ki syiem bad ba kin pynbian gruh ryngkat ki Map jong ki Hima ryngkat ruh ki kot ki sla kiba biang khnang bal ah ban bud dien iakan eka kam kaba dang buhteng haduh mynta.(SP News)
