Shillong, Jylliew 11: U Chairman jong ka Meghalaya State Pollution Control Board (MSPCB) u CP Marak, u la ong ban a ka liang jong ka board kala phah ia ki ophisar ban leit jurip ia ki karkhana kiba don ha ka jylla la kila konguh ne em ia ka rai jong ka iing bishar ba ha khlieh duh jong ka Ri ka Supreme Court ba ki dei ban don ia ki ‘affluent plant’.
Haba kren ha u SP News Agency , na ka liang jong u Chairman jong ka Board u Marak u la ong ba ki ophisar mynta kila deo ban sdang ia kane ka jingjurip jong ki ia ki kynja karkhana ban peit la kila leh ne em ia kari kaba ka iing bishar kala bethah namar katkum ka rai jong ka supreme court ka long ba hasuwa ka 22 tarik jong u bnai Jymmang baroh ki karkhana ki dei ban don ia ki affluent plant bad kane ka hukum ka long ha baroh kawei ka Ri.
U Chairman u la iathuh ba ha ka jylla Meghalaya baroh ki jynja karkhana ki don haduh 400 tylli bad kine ki don ha ki jaka bapher bapher jong ka jylla , na ka liang jong ka Board kala dep thaw ia ka kynhun jong ki ophisar kaba khyndai ngut ba kin leh ia kane ka kam bad ynda kila dep ban jurip kin sa phah ia ka kaiphot sha ka iing bishar ba ha khlieh duh jong ka Ri katno kiba la dep bad katno kiba pat but ia ka rai jong ka supreme court.
Ka jingjurip ia ki karkhana ka dang iaid sha khmat bad ki ialeh ban pyndep kloi lan ia kane ka jingjurip bad ba kin ioh ban phah noh ia ka kaiphot bad ia kaei kaba kan mih na kata ka kaiphot ka shong ha ka iing bishar ba don burom bad na ka liang jong ka Board kan hap ban but la ong u Marak.
