Shillong, JJylliew 06: Ka sorkar pdeng kala pynlong ia ka jingpynshai paidbah ia ki skhim jong ka sorkar pdeng mynta ka sngi ha nongbah Shillong. Ha Meghalaya la jied 10 tylli ki jaka ban pynlong ia kum kine ki jingpynshai paidbah ia ki skhim jong ka sorkar pdeng.
Ia kane ka jingpynshai paidbah la pynlong da ka Indian Oil Corporation, NEEPCO bad ka BSNL. Ha ka Ri baroh kawei kin don 583 ki jaka ia kiba la jied ban pynlong ia kum kine ki jingpynshai paidbah. Ka jingthmu jong kane ka long ban ai jingshai ia ki briew halor ki skhim jong ka sorkar pdeng.
Bun na ki skhim kiba ka sorkar pdeng ka leh kala wanrah ia ka jingkylla ha kiba bun ki briew bad kiba bun na ki skhim ki long ban kyntiew ia ka ioh ka kot jong ki briew da ki kam bapher bapher. Ia kane ka juh ka jingpynshai paidbah ha ka 7 tarik mynta u bnai yn pynlong ha Ampati bad but sa kiwei kiwei ki jaka. Ka jinghikai bad pynshai paidbah kan long ar kynta.
Ki skhim kiba yn pynshai paidbah ki long kum ka, Pradhan Mantri Ujwala Yojna, Pradhan Mandtri MUDRA Yojna, Jan Dhan Yojna, Pradhan Mantri Awas Yojna, Ujala Yojana, Rural Electrification, Jan Aushadhi Yojna, Pradhan Mantri Krishi Sichayee Yojna, Pradhan Mantri Fasal Bima Yojna, Beti Bachao-Beti Padhao, Sukanya Samridhi Yojna, Swachh Bharat Mission, UDAN, bad nalor kitei ki skhim ki long sa kiwei kiwei ruh.
