Shillong, Kyllalyngkot 16: Haba ka sorkar ka shna ia ka Act mynha u Lber 2024. hynrei, kaba sngewsih ka long ba na ki 60 ngut ki MLA kin mih khamt ha Assembly la ki dei na ka liang shynshar ne na ka Liang pyrshah ym don uwei ruh u ban pyrshah ia ka aiñ.
Hynnin ka sngi na ka Liang ka Sorkar ka la thmu ban pyndem noh ia ka section 34 jong kane ka ain kaba kdew ia ka jingkhlain bor kane ka Investment Promotion Facilitation Act kaba lah ban thombor ia ka Land Transfer Act.
U ia kane u bah Sadon Blah u la pynpaw ha ka jingai jingkren ha ka jingialang ba la long ha u mot dur ba shi rynieng u woh Kiang Nongbah hajan ka Civil Hospital Shillong.
Ngin ym lah ban pdiang i kane da leilei ruh namar ka khyndew ka shyiap jong ka Sorkar bad wat ka District Council ruh ka dei tang ka nongri nongda ia ka khyndew ha ka Ri.
Kane ka act ka dei ka jingthombor jong ka Sorkar MDA ia ka jaitbynriew, namar wat la u Myntri Rangbah u la ong ban pynkylla noh ia ka section 34 jong ka act, khnang ba kan iahap dur bad ka Meghalaya Land Transfer Act.
Hynrei, ka jingthmu ka MDA hi watla ym kren shai ha ka act hynrei ka dei ban shna ia ka Landbank ka ban long ka jinglumthup ia ki jaka, lane ban thied lupa ia ki jaka, kane ka iatyngkhuh hi bad la Meghalaya Land Transfer Act.
Katkum ka Meghalaya Land Transfer Act ka long ba, ymdon mano mano u trai jylla ba lah ban die ia ka jaka sha u bar jylla, hynrei ka jingkylli ka long ba ka Investment Meghalaya Agency ka dei trai jylla ne bar jylla. Katba dang don kane ka jingthmu ban wanrah ia ka Landbank kata ka dei ka jingiatyngkhuh bad ka Meghalaya Land Transfer Act.
Ka Sorkar ka dei ban pynduh shisyndon ia ka jingthmu ban wanrah ia ka Landbank namar ngi la iohi ia ki karkhana ki ba don ha kylleng kiba ioh jaka na ka sorkar katkum ka aiñ barim katba u paidbah ymdon jingiohnong eiei.
U la kdew kum ka Star Cement kaba don jingthmu ban pynduh noh wat ia ka jaka ba long Eco Sensitive Zone ha Elaka Narpuh bad haba la tyngkhuh la sdang ban pyni sa da ka bor namar ba la ioh ka jingkyrshan ba pura na ka Sorkar .
Te kaei ban jia lada ka Sorkar kan wanrah ia ka ne ka Landbank. lada ka don kane kan long ka jingma ia ki jaka puta ha ka bri u Hynniewtrep. Namar lada ka sorkar ka donkam ia ka jaka ban ai sha ka company kan hap ban iaid shibun ki kyndon bad kat ban ioh kata ka jaka. lada ka sorkar ka la don lupa ia ka Landbank baroh ki kyndon la iaiad lait lut.
U bah Sadon Blah u la ong, ba ka seng kn nym ailad da lei lei ia kane ka jingleh ka ka sorkar, lada ka sorkar kam leh eiei ka seng kan sa shim da kiwei pat ki sienjam
