Shillong, Jylliew 11: Ka Full Gospel Evangelistic Ministry Secondary School, Nongspung ka shnong kaba don kumba 9 km na Nongstoin, West Khasi Hills District ha ka taiew ba la dep ha ka 5 tarik u Jylliew ka la ioh ban plie ia ka Higher Secondary jong kane ka skul kata ka Class XI bad kumjuh ruh ka la pynkup burom ia ki khynnah kiba la pass ia ka eksam SSLC 2017. Ha kane ka sngi u Dr. Tamdor Marbaniang, Lecturer ka Nongstoin College u la wan ban ia don lang kum u Kongsan.
Nalor u Kongsan ki ba la iadon ryngkat ki long u Pastor jong ka Balang Full gospel Evangelistic Ministry u Pastor Willin Marngar, u Assistant Pastor u Bah Kresslang Wanniang, nangta ki dkhot ka Managing Committee jong ka school, u Bah Kyrshanbok Marngar u ba dei u Principal, ki nonghikai lem ki khynnah skul bad kiwei kiwei.
