Shillong, Naitung 21: Ka seng sain pyrthei ka Hill State People Democratic Party (HSPDP) mynta ka sngi kala lum jingialang ba kyrkieh halor ban lum jingmut na ka bynta ban phah shaka sorkar jylla halor ka bhah thungkam lane ka Reservation Policy.
U President ka HSPDP u bah K.P Pangniang u la pyntip ba shen kan sa phah lut ia ki jingai jingmut halor ka Reservation Policy shaka Chairperson jong ka Reservation Roster ka kong Ampareen Lyngdoh kaba dei ruh ka myntri ka tnat Law.
U bah P.K Pangniang u la ong na ka liang Ka Party ka sngewnguh ia ka sorkar jylla kaba la pynmih iaka jingpytip ban pyntreikam ia ka Roster System nangne shakhmat bad ha kajuh ka por ban weng noh ia ki kyndon ban shah ia ki Garo na kiwei ki jylla ban thepkam ha ka bhah jong ki Garo ba shong ba sah ha Meghalaya.
U la ong ba un nym lah ban iathuh lypa lano hynrei shen ka Party kan sa phah ia ki jingai jingmut jong ka party shaka sorkar halor ka Reservation Policy, hynrei ha kine ki sngi kin dang ia shong biang ban pynbeit ia ka jingthoh ba kin sa phah sha ka sorkar halor ka Policy bhah kam.
U la iathuh ruh ba Ka Party ka la shim rai ban pyrshah ia ka UCC bad na ka liang ka Party lyngba u President kan sa thoh shaka sorkar MDA halor kane ban pynpaw ka jingpyrshah halor ka UCC.
