Shillong, Jylliew 19: Ka hukum kaba la pynmih da ka sorkar Bangladesh ban phah mih noh ia ki briew kiba shong ha Neharpunji ha ka 12 tarik mynta u bnai kam dei tang ia ki khasi hynrei ki don ruh ar tylli ki long iing kiba dei na ka jaidbynriew Garo.
Katkum ka jingtip kaba la ioh na kit and syntiat la ong ba la lap ba ki don ruh ki jaid bynriew Garo kiba la sah ha kane ka jaka la bun snem kiba trei bylla kine ruh kila don la ki iing ki sem ha kane ka jaka ia kaba la tip kum ka Neharpunji.
La ong ba ha ka thie ka Ri ki don ar tylli ki Neharpunji kawei ka Old Neharpunji bad kawei ka Old Nehrpunji kine kiba shah ai notice ba hap ban mih ka dei ha Old Neharpunji ba rim.
Wat la ka sorkar jong ka Ri Bangladesh kala ong ba ki dei ba kin mih noh na kane ka jaka hapoh ka 12 tarik mynta u bnai, hynrei na ka daw jong ka jingtuklar lem bun na ki seng bhalang jong katei ka ri haduh mynta ka sorkar kam pat nud ban pynkynriah ia kine ki briew ha kane ka jaka.
