Shillong, Nailar 17: U myntri ba dei peit ia la tnad pathai khubor jong ka Ri India u M Venkaiah Naidu, bad u myntri jong ka sorkar Bangladesh u Hasanul Haq Inu kila ia mynjur lang ha ka jingiakynduh mynta ka sngi ha nongbah Delhi ba kine ki Ri Ar tylli ki ian treilang ban pynmih ia ka phlim ha kaba ia dei bad ka thma 1971 kaba la wan rah ia ka jinglaitluit jong ka Ri Bangladesh.
Ka jingthmu ban pynmih ia kane ka phlim ka long ban pynsah kynmaw ia ka jingdap jong ka Ri Banglaseh 50 snem ha u u snem 2021. Ha kane ka jingiakynduh na ka liang jong u Naidu ruh u la ai ka jingmynjur ba ka Ri India kana ia ka jingkyrshan na ka bynta ka phlim jong u kpa jong ka jaid bynriew jong ka Ri Bangladesh u Nation Bangabandhu Sheikh Mujibur Rahman un dap 100 snem ka sngi khai jong u ha u snem 2020.
Na ka liang jong u myntri ka sorkar India u la ong ba ka jingiapyntip mar kyllaing ha kaba ia dei bad kano kano ka jingjia ka long kaba don kam ban khanglad ia ki khubor hamsaia kiba lah ban pynklumar. Haba ai ia ki jingtip kiba dei ka wan rah ia ka jingiaia treilang ha pdeng ki para briew bad ka jingiasngewthuh jngmut.
La iathuh ruh ha u myntri jong ka Bangladesh ba ka Ri India kan sa sdang ia ka “Akashvani Maitree” lyngba jong ka AIR na ka bynta jong ka Ri Bangladesh ha ka ktien Bengoli bad ia kane yn sa plié da u president jong ka Ri India ha ka 23 tarik mynta u bnai, ka jingthmu jong kane ka long ban kyntiew ia ka jingiadei ha pdeng kine ki ar tylli ki Ri bad ka jingiajan ha ka riti dustur.
Haba ia dei ha ka jingiakhaii pateng ia ki phlim hapdeng kine ki ar tylli ki ri na ka liangjong u myntri ka tand pathai khubor jong ka sorkar India u la kyntu ia ka Ri Bangladesh ba kin kham pynjynsur ia ki kyndon ha kaba la khang bun ia ki phlim kiba na kane ka Ri ban pyni ha Bangladesh. U myntri u la tyrwa ruh ban ai jinghikai ia ki nongshna phlim na ka Ri Bangladesh.
