Shillong, Jylliew 28: Ban kyntiew ia ka kamai ka jih na ka kam dohkha ha West Jiantia Hills mynta ka sngi la plie paidbah ia ka jaka syang dohkha kaba nyngkong eh ha ka jylla ha ka shnong Umladkhur kaba hap ha poh jong ka Amlarem C&RD Block, West Jaintia Hills District.
Haba kren ha kane ka jingialang plie paidbah ia kane ka jaka syang dohkha u Bah D.M. Wallang, Project Director of District Rural Development Agency (DRDA), West Jaintia Hills, u la ong ba kum kane ka jaka syang dohkha kaba dei na ka bynta ki paidbah ka dei kaba nygnkong eh ha ka jylla. U la ong ba kane kan iarap ia ka ioh ka kot jong ki paidbah.
La lah ban leh ia kane da ka jingbynrap lang na ka skhim MGNREGA bad ka Meghalaya Institute of Entrepreneurship(MIE) ka Meghalaya Basin Development Authority (MBDA) bad DRDA, West Jaintia Hills District. Ia kane la shna ha kajinglut kaba T. 5,40,200/- tyngka.
Ka shnong Umladkhur ka dei ka shnong kaba paw ha kaba pynmih ia shibun ki jait doh na ka dohkha bad ha kane ka shnong la pyndon kam ruh ia COFISKI ka rukom syang dohkha da ka mashin ia kaba la aid a ka ICAR-CIFT, hynrei kane ka long mar khongpong ia kaei kaba ki la juh leh naduh kip or mynba rim. Ia kane ka jaka syang dohkha la pyniaid da ka Seng Trea Multipurpose Co-operative Society Ltd.
I have noticed you don’t monetize spnewsagency.com, don’t waste your
traffic, you can earn additional bucks every month
with new monetization method. This is the
best adsense alternative for any type of website (they approve all sites), for more details simply
search in gooogle: murgrabia’s tools