Shillong, Jylliew 30: Ka dorbar mang tyngka jong ka Garo Hills Autonomous District Council (GHADC) kan sa long ha ka 25th Naitung 2023 bad ha kane ka dorbar mang tyngka la sngewthuh ba ka Executive Committee kan sa rah ia ka rai ban pdiang da ka iing dorbar ban pyrshah ia Uniform Civil Code.
U Deputy Chief Executive Member jong ka GHADC u Nikman Ch Marak, haba kren ha u SP News Agency u la ong ba haduh mynta kam pat don kano kano ka rai kaba shai kin dang ia kynduh ha kane kataiew ban wan ban ia kren, hynrei kala don ka jingpyrkhat ban pyrshah ia ka UCC.
Ia mynta ym pat la ban pynthikna, la kin wan rah ne em rai ban pyrshah ia ka UCC, hynrei kin ia kren shuwa bad ha dien ba kila shim ia ka rai ha ka jignialang yn sa lah ban pynshisha, ka jingpyrkhat ban shim ia ka rai ban pyrshah ia ka UCC kala don.
Ka iing dorbar jong ka KHADC kaba la ialam da ka NPP kala dep ban shim ia ka rai ban pyrshah ia ka UCC, ka EC hapoh jong ka JHADC kan khot ia ka iing dorbar ha ka 10/7/2023 bad kin sa shim ia ka rai ban pyrshah ia ka UCC, la sngewthuh ba ka GHADC ruh kan pyrshah tang ba ki dang shim ia ka rai h ka jingialang ba kin long ha kane ka taiew ban wan.
