Shillong, Kyllalyngkot 31: Ka jingai jingbit jong ka Jaintia Hills Autonomous District council (JHADC) ban pom dieng katkum ka working plan kan kut ha ka 31 tarik jong u bnai Lber.
Ha dien bad ka JHADC kala dep ban pynbiang ia ka Working plan kala ai jingbit ia ki paidba ban pom dieng da kaba shim ia ka jingbit na ka JHADC bad halor kane ka jingbit ki riew shimet kiba don ia ki khlaw kila leit ban shim jingbit bad ka jingpom dieng hapoh u pud u sam jong ka JHADC ka dang iaid mynta.
Kane ka jingai jingbit jong ka JHADC kan kut noh ha ka 31 tarik jong u bnai Lber mynta u snem 2017, katkum ki tyllong khubor na ka ophis jong ka JKHADC ki iathuh ba ka JHADC mynta kala pynkhreh ban nym ai jingbit shuh ban pom dieng namar ka jingsyllen jong ki khlaw ki betap.
Haba kren ha u SP News Agency u Chief Forest Officer jong ka JHADC la ong ba ka dei ka jingshisha ba ka JHADC kala ai jingbit ia ki riew shimet ba kin pom ia ki dieng na ki khlaw jong ki katkum ka jingpan ka jong ki trai jaka. Hynrei kan ka jingai jingbit kan kut noh ha ka 31 tarik jong u bnai Lber mynta u snem.
Na ka liang jong ka JHADC kumba ka long mynta kam shym don kano kano ka jingthmu ban ai jingbit biang, hynrei ia mynta kala rai ban kan nym ai jingbit shuh ban pom dieng.
