Shillong, Risaw 14: Ka Meghalaya State Disaster Management Authority (SDMA) kan pynlong ia ka jingiakop dro ia ka shap jong ka ha ka 29 tarik mynta u bnai ha kane ka nongbah Shillong.
Ha shuwa jong kane kan don ka jingiakop dro dur ha ki District bapher bapher bad ia ki nongjop lai ngut ki district yn jied ia ki ban ia khun ha ka state level kaban long ha ka 29 tarik mynta u bnai.
U Chief Executive Officer, District Disaster Management Authority, West Garo Hills, Tura,ha ka jingpynlait khubor jong u mynta ka sngi u la ong ba ha Tura kin pynlong ia kane ka jingiakop dro ha ka 21 tarik mynta u bnai ha Tura Government College Auditorium bad kane ka jingiakop kan long naduh ka por 11 baje mynstep haduh shi baje pdeng sngi.
La ong shai kdar ba ia ki lain gut kiba jop na kane ka jingiakop hapoh jong ka District yn jiet ia ki ban ia shim bynta ha ka state level ka ban long ha ka 29 tarik mynta u bnai, ha kane ka jingiakop la ong ba la shah ia baroh ki khynnah skul kiba dei na ka Higher Secondary school haduh kiba la pule ha ki college kiba kwah ban ia shim bynta ki dei ban ai jingtip sha u CEO, DDMA, Tura.
