Shillong Jymmang 17: Ka sorkar jylla ka la rai ba kan sdang noh ia ka jingiakren iasuk bad ka kynhun Hynniewtrep National Liberation CCouncil (HNLC) ha ka taiew ba nyngkong jong u bnai Jylliew.
U Myntri Rangbah ka jylla u Conrad Sangma, u la ong ba ha kine ki sngi ka la don ka jingialang hapdeng ka sorkar bad ki dkhot ka HNLC ba la wan shim bynta da u Political Secretary, Vice Chairman, bad Executive Memebers ha ryngkat jingdonlang bad ki ksiang la shim ia ka rai ba ka jingiakren yn sdang ha ka taiew ha ka taiew ba nyngkong jong u Jylliew.
U Conrad u la ong ba ki dkhot ka HNLC ki la kdew ia katto katne ki mat bad ka sorkar jylla kan pyntikna ba kan shim ia ki lad ki lynti na bynta ban long jingshngain ia ki. Hynrei ia ki kyndon kiba long shabar jong ka sorkar jylla yn shim da ka sorkar India.
U Myntri Rangbah u la pynpaw ia ka jing khmih lynti ba kane ka jingiakren kan long kaba seisoh.Na ka liang ka sorkar ka kwah ban wanrah ia ka jingsuk kaba neh ha kane ka jylla baroh kawei.
