Shillong, Kyllalyngkot 05: Ka jingiakren hapdeng ki lai kynhun, ka seng Achik National Volunteer Council (ANVC), kinongmih khmat jong ka sorkar pdeng bad ka sorkar jylla ka la long mynta ka sngi ha Circuit House jong ki pulit kaba don ha Pynthor. U nongai ktien jong ka seng ANVC U Artis Sengran Sangma u la ong ba ka jingia kren ka long kaba sei soh.
Haba kren ha ki nongthoh k
hubor ha dien jong ka jingialang, u la ong ba na ka liang jong ka sorkar ka la pdiang ia bun ki mat jingdawa jong ka seng, u la ker kyrteng kum ia ka jingpybun ia ki dkhot jong ka Garo Hills Autonomous District Council na ka 30 sha ka 35 ngut bad kiwei de.
Na ka liang jong ka seng ruh ka la weng katto katne tylli ki mat jingdawa, kum ka Autonomous Council, bad ia ka kyrdan superintendent ha ka kam pulit bad ia ka kam Deputy Commissioner ba kin nym hap ha ka jingpeit jong ka GHADC bad kiwei de.
Na ka liang jong u ne u nongai ktien jong ka ANVC u la ong ba ka seng ha kane ka jingiakren na ka liang jong ka sorkar ka la pynpaw ia ka jingkloi ban ai ia ki jingdawa jong ka seng dei na kane ka daw ba ki don ki jingdawa kiba ki sngewthuh ba ki long kiba eh ban ai ka seng ka weng noh ia ki.
Une u nongialam jong ka ANVC, u la pynthikna ba ki don lai ngut ki dkhot jong ka ANVC(B) kiba la wan ban ia shim bynta ha kane ka jingiakren ia suk, ha ka juh ka por na ka liang jong ka ANVC kan kren ia ki nongialam jong ka GNLA ba kin wan sha kane ka jingiakren ia suk na ka bynta ka jingbha ki paidbah ka Garo Hills. Ka seng kam shym la dawa ei ei na ka bynta jong ki hynrei na ka bynta u paidbah.(SP News)
