Shillong, Jymmang 18: Ka jingiakynduh kaba ar sngi jong ki muktiar ha ka sien kaba nyngkong ha kane ka nongbah shilling kan long ha ka 20 bad 21 tarik mynta u bnai ha SosoTham Auditorium, ia kane ka jingialang la pynbeit da ka Bar Association jong ka Ri India ha ka jingiatreilang bad ka Meghalaya High Court Bar Association.
Haba kren ha ki nongthoh khubor u President jong ka Meghalaya High Court Bar Association u Bah G.S Massar u la ong ba ki don ka jingkyrmen ba palat ia ka saw spah ngut ki muktiar kin ia poi sha kane ka jingia kynduh kynthup ia ki muktiar kiba na kane ka jylla bad kum juh ia ki ban wan na sha bar kajylla.
U nongkren ba paw ha kane ka jingialang kaba ar sngi un long u muktiar ba la rangbah bha jong ka iing bishar ba ha khlieh duh jong ka Ri u Ramjet Malani, kat kum ka program kaba la buhka long ba un kren ha ka sngi kaba ar jong ka jingialang, hynrei u la u kwah ban kren ha kine ar sngi kin jin da la kmen eh la ong u Bah Massar.
Na ka liang jong ka Meghalaya High Court Bar Association ka dap da ka jingkmen kaba khraw ban ioh pdiang ia kum kane ka jingialang namar kane kan ia rap shibun ia ki muktiar jong kane ka jylla Meghalaya ha kiba bun ki liang namar kum ki muktiar ki hap ban long kiba tip lut ia ki jingkylla jong ki ain kaba man ka por. Ka jingiakynduhlang banyngkong jong ki muktiar ka Ri kan long ha Shillong
