Shillong, Naitung 22: U PKH Singh Additional Director General jong ka Border Road Organisation haba kren kum u symbut kongsan ha ka jingiamir jingmut kaba shisngi kaba la khot da ka CSIR-CRRI New Delhi kaba ha ophis jong ka North Eastern Council u la ong ba don kam bud ia ki kyndon ha kaba shna ia ki surok.
La ong ba ki surok ki long kiba don kam haduh katta katta na ka bynta ban pyniasoh ia ki dong bad ki thain da ki surok ban suk ha ka leit ka wan, ka jingpyniasnoh lang ia ka leit ka wan ka long kaba don kam ha kane ka thian shatei lam mih ngi ban kyntiew ha ki liang baroh.
Ha ka jingialang kaba sngi sngi kaba la ai kyrteng “One Week Anf One Lab” baroh kiba la wan ban ia shim bynta ki long 150 ngut na ki tnad sorkar bapher bapher, kum ka ka tnad shna surok jong ka jylla Meghalaya, Military Engineer Service, North Eastern Council, ka tnad ka kit kabah, MIDFC bad kiwei.
Ban kdew ba ka kynhun shipai Border Road Organisation kadei ka kynhun kaba shna ia ki surok ha ki khappud ha kane ka thain, kaba ia dei bad ka Bangladesh, Myanmar bad China, kiba bun ki jingshna ia ki surok la leh da kane ka kynhun shipai.
