Tura, Jymmang 14: Mynta ka sngi kala don ka jingjiapyniap briew kaba sngewtriem kaba la jia hapoh jong ka shnong Okkapara Songgitcham ha South West Garo Hills District, kaba hap hapoh jogn ka Garobadha Police Outpost ha kaba u briew u ba la tip kyrteng kum u Kilman Marak u la shah miat na ka ryndang haduh ba u da khlad ha shen.
Katkum ki lad khubor kiba la lah ban ioh ki iathuh ba kala don ka jingkynnoh ba u Kilman marak u la sait ia u Ranjan M Marak da ka suloi hynrei ym shym la dei ia u briew bad u Ranjan ha ka jingbitar u la sei da ka wait tukri bad mait na ka ryndang jong u Kilman bad ia ki bynta jong ka met haduh ba yn da khlad ha shen.
Ka khubor na ka liang jong ki pulit ki ong ba kine ki ar ngut ki dei shiba ha iing bad ka jingiashun hapdeng jong ki kala don, la ong ba ha kaba sdang u Kilman Ch Marak u la pyrshang ban siat ia u Ranjan M Marak da ka suloi shiktang ia kaba la tip kum ka SBBL, hynrei na ka liang jong u Ranjan u la rah da ka wait tyngkrong bad mait ia u Kilman. Ki pulit kila kurup ia ka wait bad ia ka suloi bad ia u tei u nongpyniap briew la kem da ki pulit.
Na ka liang jong ki pulit jong ka Garobadha mar ia ioh ia kane ka jingtip kila leit bran bran sha katei ka shnong ban shimti ia kane ka met iap bad pynkit sha Civil Hospital Tura ban leh ia kaba don kam, ha ka juh ka por ki pulit kila kem ia u Gola na ka bynta ban tohkit kaei kaba la jia bad a poi haduh kane ka jingiapyn iap kaba la sngewtriem.
