Shillong,Naitung 12: Ia ka jaka ban jurip ia ki khunlung ban iada na ka jingpang jem ia kaba la tip kum ka “Early Diagnostic and Intervention Centre” (EDIC) la plié mynta ka sngi ha Shillong Civil Hospital Shillong da u myntri ka koit ka khiah jong ka sorkar jylla u Bah AL Hek.
Ia kum kane ka jaka ai jingsumar ia ki paidbah la buh ruh ha West Khasi Hills, West Jaintia Hillsbad West Garo Hills Districts. Kine ki jaka baroh ki don lang ha ki Civil Hospital jong kitei ki District, ia kaba la tip ia ki kum ka Civil Hospitals jong ki District.
Ha ba kren ha kane ka sngi kum u myntri ka koit ka khiah u Bah Hel u la ong b aka jingdon jong kine ki jaka ai jingsumar ka long ban ioh ban peit bniah ia ki khunlung lada don kano kano ka jingithut haki bad da kaba leh kumne kan pynlait ia ki na ka jingma , ka long kaba don kam ia ki kmie ki kpa ba kin shim khia ban phah sumar.
Na ka liang jong u myntri u la ai ka jingiaroh ia ki paidbah kiba la shim ia ka kabu ban phah sumar ha kine ki jaka ai jingsumar jong ka sorkar bad kham tam eh ia kito ki long iing kiba duk .
Ka Dr B Mawlong, Project Director & State Coordinator, State Resource Centre Shillong, kala ong ba kane ka jingeh kam dei eh tang ba ki khynnah kim lah ban kren hynrei ka ktah ia ki ha kiba bun ki liang, lada sumar noh ia ki ha ka por ba ki dang rit lah ban iada ia ki la ong ka Dr Mawlong.
Haba ia dei bad kane ka jingsumar mynta yn nym phah shuh ia ki briew sha bar jong ka jylla namar kala don ha la ka jong ka jylla ban sumar ia ki namar ia ka “Brainstem Evoked Response Audiometry” (BERA) mynta la lah ban leh ha kane ka jaka khlem da don kam kano kano ka jingsniew lada leit sha bar jong ka jylla ka jinglut kan long hapdeng T.2500 haduh T.3000 tyngka. La ong ba kane ka jaka mynta kala biang lut ia ki lad jingsumar.
Ha kane ka sngi la don lang ruh u Bah K. W. Marbaniang, Secretary, Health and Family Welfare, ka kong i C. Kharkongor, Commissioner for Persons with Disabilities, Dr. R. Wankhar, DHS (MI), Dr. W. Kharkrang, DHS (MCH & FW), Dr. R.O. Budnah, DHS (R), Dr. (Mrs) B. Mawlong, Project Director & State Coordinator, State Resource Centre, Dr. (Mrs) B. Lyngdoh, Sr. ENT Specialist, Shillong Civil Hospital, Shri S. K. Seal, State Programme Officer, State Resource Centre bad bun kiwei kiwei de kiba la ia don lang.
Ia kane ka EDIC la bei pisa da ka tand jong ka sorkar pdeng kaba dei peit ia kiba don kajingsuna ha ki dkhot met ia kaba la tip kum ka Ministry of Social Justice & Empowerment, Department jong ka Empowerment ryngkat ka sorkar jylla lyngba ka State Society for the Implementation of Rehabilitation Services for Persons with Disabilities (SSIRPD), lem bad ka State Resource Centre, Civil Hospital Shillong.
