Shillong, Jymmang 11: U bah Labarious Manik Syiem u la ong ba ka jied syiem hapoh ka Hima Sohra kam shym dei tang ha ka jied briew hynrei la pynskhem ruh ha ka niam hato ym sang mo, phim khein mo haba katkum ka riti la pyndep bad la pynskhem ruh ha ka niam da ka nguh ka dem bad ka pan ruh da ka dak ka shin.
Haba kren ha ki lat pathai khubor ha Shillong Press Club u bah Labarious u la ong hato kam sang mo haba phi mut ban thom da kawei u la ong ba wat ka rai jong ka iing bishar bahakhlieh duh jong ka Ri India ka Supreme Court kala kren shai haba iadei bad ki rit paid kano kano ka jingsynshar kaba la shai kdar kaba don ryngkat bad ka niam ia kata ym dei ban khein dewthala.
Na ka liang jong u bah Labarious u la ong ba ia kane ka bynta ki thmu ban leh klet bad kane ka long kaba mynsaw na kiba mynsaw tam eh bad ka dei kaba dei ban pynrem haduh katta katta namar ba ia kaei kaba la pyndep da u briew bad ba la pynskhem ha ka niam sngewbha wat khein dewthala.
U la ong ba ka Sohra ka don ia kata ka jinglong kyrpang ba ki khun ki hajar jong ka Hima Sohra kila khein kyntang ia ka jied syiem Sohra namar ha ka jingjied syiem ka jied ryngkat ka niam ka rukom burom seh ia kata wat khein dewthala.
Haba iadei bad ka Hima Sohra la dep ban ai da ka jingthoh sha ka Khasi Hills Autonomous District Council haba ia dei bad ki riti dustur ba kumno haduh ban da ioh ia u Syiem ka Hima Sohra haba ia dei bad u Planet Syiem wat ka ain ka District Council ruh kam shah ban long syiem da u briew Shabar ka hima namar um don thning don tynrai hapoh ka Hima Sohra.
