Jowai, Jylliew 12: Ka pakhang Shnong kaba 12 kynta mynta ka sngi12/06/2014 kaba la sdang naduh ka por 5 baje mynstep haduh 5 baje janmiet kaba la khot daka Jaintia Students’ union (JSU) ha baroh kawei ka Ri lum Jaintia (East & West Jaintia Hills) kum ka dak jongka jingpynbor iaka sorka Jylla ban pynioh iaka Blood Bank ha Jowai ka long kaba jop bad kaba iaid beit iaid ryntih khlem kano kano ka jingjia kaba sngewsih. Hapoh ki kynta pakhang shnong la iohi ba ki surok ki thylli bad dap satang ki khynnah rit ba ialeh kai ha pdeng surok, bad ruh ki ophis sorkar ki thylli lut lait noh tang katto katne kiba don tang ki sahep.
Ha kaba iadei bad kane ka jingjop jpngka pakhang shnong, na ka liang ka JSU haka jingpyllait khubor mynta ka sngi lyngba u Finance secretary samla Heibormi Symblai ka pynpaw iaka jingsngewnguh bad ai ka jingkhublei kaba kyrpang ia ki paidbah nong shong shnong jongka Ri lum Jaintia kiba la iasnoh kti bad ia treilang ban pyllong ia kane ka pakhang shnong kaba job.
Ka Union lyngba une u kyrwoh, ka pynpaw shuh shuh iaka jingsngewnguh ia ki Seng jongki nongshong Iew , ka Seng jongki nongkhaii, ka seng jongka Local taxi, ki shakri sorkar, ki rangbah Shnong, ki nong shomng iew bad nongdie dukan bad iaki paidbah baroh khamtam eh iaki para Seng Bhalang kiba la kyrshan pura ia kane ka pakhang shnong na ka bynta kane ka jingthmu jongka jaitbynriew.
“ Haoid ngi sngewthuh ba ka pakhang Shnong ka ktah eh iaki para doh para snam ki jongngi, hynrei ngim banse namar ka jingleh klet jongka sorkar iaka jingdonkam ka jong ka jait bynriew jongngi, ka bha ia ngi ban shitom shi sngi ar sngi ban ia kaba ngin jaw ki ummat daki bnai bad ki snem” ong u samla Heibormi Symblai. Lada ka sorkar Jylla ka lah ban Pynioh iaka Blood Bank ha Rilum khasi bad Garo daki bun bun snem mynta balei kein kam shimkhia ban pynioh iaka juh ha Rilum Jaintia? Bynrap shuh shuh une u nongialm.
Kumta ka Union kan ym shong kli kti kat by m pat ioh ia kane ka jingdawa bad ha kane ka taiew ban wan kan sa shong biang ka CEC bad rai sada kiwei pat ki lad jingiakhih kiba kham tyngeh shuh shuh, bad to ngim long kiba la pynkhreh lypa, pynkut ka kyrwoh naka Union.(SP News)
