Shillong, Iaiong 20: Ka ophis jong u Chief Electoral Officer jong ka tnad elelction ka jylla Meghalaya mynta ka sngi u la pyntip ba la ioh lut ia ka jingkhien ba pura na baroh ki 60 tylli ki Legislative Assembly Konstitwensi, hakba ia ka jigkhein la ai ia ka jingdon ki nongthep vote bad ka jingpoi ki nongthep vote ha kane ka MP elekshon sha ka Lok Sabha 2024.
Katkum ka jingkhien kaba la ioh kaba duna eh kiba poi thep vote dei ka 19-South Shillong, kaba ki nongthep vote kila poi tang 58.36%. Ka jingdon ki nongthep vote ha kane ka konstitwensi ki long 33959 ngut bad kiba poi wan thep vote ki long 19819 ngut ha kane ka MP elekshon.
Ka Legislative Assembly konstitwensi kaba la poi bun eh ki nongthep vote ka dei ka 47-Rajabala Genenral Konstitwensi ha kaba ki nongthep vote kila kot sha ka 87.85%, ka jingdon ki nongthep vote baroh ki don 36715 ngut bad kiba la poi thep vote baroh ki long 32253 ngut.
Ha kane ka MP elekshon kaba mynta la iohi ba ka duna bha ka jingpoi thep vote ki paidbah kiba don ha kane ka nongbah Shillong ban ia nujor bad ki konstitwensi kiba don sha ki nongkyndong kiba la poi bun bha ha kane ka kynti kaba mynta.
