Shillong, Nailar 12: Ka skul bah North Eastern Hill University mynta ka sngi kala pynlong ia ka jingiaid paidbah “Har Ghar Tiranga” ban rakhe ia ka jingdap 75 snem jong ka jinglaitluid jong ka Ri India, ia kane ka jingiaid la khaweh lama da u Vice Chancellor u Prof Prabha Shankar Shukla.
Ia kane ka jingiaid la sdang na ka jaka pule Ain bad sha Multi-Use Convention Hall jong ka skul bah, ha kane ka jingiaid la wan ban ia shim bynta da ki shipai CrPF hapoh ka jingialma jong ka DIG, ha kane ka sngi la pyni nam ruh ia ki rukom shad tynrai ki paidbah kane ka thain shatei lam mih ngi jong ka Ri India, ha kane ka sngi palat shihajar kiba la wan ban ia shim bynta.
Ha kane ka sngi u Dr. Lajja Ram Bishnoi, Director General ki pulit jong ka jylla Meghalaya u la long u kongsan ha kane ka sngi bad u sordar jong ka Elaka Sohbar u la long u shah khot sngewbha.
Ha ka jingkren jong u DGP ki pulit ka jylla Meghalaya u la batai ba kane ka jingrakhe ka long kaba don kam ba ka mynsiem ieit ri kan rung ha ki, ha kane ka sngi u la batai ruh ia ka jinglen lade ki nongialeh laitluid kiba la aiti iala ka jingim na ka bynta ban pynioh ia ka jinglaitluid ia ka ri.
Ha kane ka sngi u la kren ruh ia kiriew ialeh laitluid kane ka thain shatei lam mih ngi ka Ri India kum u Tirot Sing Syiem u ba la noh ha kane ka jingialeh lait luid, u kyntu ia ki samla ba kin trei na ka bynta ban kyntiew iaka ri bad ki dei ban kiar na ki kam dih drok namar kane kan ia lam ia ki samla sha ka jingjot.
Ha ka jingkren u Stalward Lyngskhor, Sirdar jong ka Elaka Sohbar u la batai ia ka jinglong jingman ka Hima bad u la batai ia ka jingdon jingiadei ka nongbah Shillong bad ka Ri Bangladesh lyngba ka lynti rel, la iathuh ruh ba ka don ka jingiakhun pyrshah ia ki pahreng.
Ha ka jingkren u Vice Chancellor ka NEHU, Prof. Prabha Shankar Shukla u la batai ia ka jingnoh syniang ki nongialeh lait luid kane ka thain shatei lam mih ngi bad la ong ba ka jingialeh laidluid ka sdang ha u snem 1857 namar ha kane ka snem ka jingiakhun pyrshah ia ki pahreng kala sdang ha kylleng ka Ri India.
Ki nongshong shnong kane ka thain shatei lam mih ngi jong ka Ri India, u la buh ia ka jingkylli katno ngut na kiba tip ia ka jignshah shitom ki briew kane ka thain ha ka jingialeh laitluid u la kdew ruh ia u Tirot Singh na Khasi Hills , U Kiang Nangbah na Jaintia Hills bad u Patogan Sangma na Garo Hills bad ia kiwei ki nongialeh laitluid na kiwei ki jylla.
Ban rakhe ia kane ka jingioh laitluid ka Ri India kaba la kynjoh sha ka 75 snem la pynlong ruh ia ki dur kiba don ha Sohbar bad kine ki dur ki dei ia ka jaka ba ka don ka jingiakhun pyrshah ia ki shipai Phareng.
