Shillong, Iaiong 27: Ka thong jong ka sorkar pdeng kala buh ban shna ia ki gas pipe sha baroh ki jylla ka thain shatei lam mihngi jong ka Ri India ha u snem 2030 ha baroh ki phra tylli ki jylla ka dong shatei lam mih ngi.
Ka jingpyntrei ia ki Pipe Gas ha jylla Meghalaya la wan lyngba ka Ri Bhoi District na ka thain Umden bad kane ka jingtrei ban pyniaid ia kine ki pipe gas kila poi sha shnong Nongthymmai jong ka Ri Bhoi District kaba ia jan bad ka East Khasi Hills District.
Ha Meghalaya kine ki Pipe Gas kin iaid lyngba ki saw tylli ki District, ka Ri Bhoi, East Khasi Hills, West Jaintia Hills bad East Jaintia Hills District bad na kane ka jaka un poi sha ka Assam Silchar bad kin sa poi sha Mizoram bad Tripura.
Ka jingtrei ban pyniaid ia kine ki pipe gas kala long ha shnong Khweng bad Nongthymmai ha Ri Bhoi District, ka jingshna ia kine ki Pipe Gas ha ka thian shatei lam mih ngi ka Ri India kan long 1656 Km ban pyniasoh ia baroh ki jylla kane ka thain bad ka jinglut ka sorkar pdeng kala mang haduh T.5,559 klur tyngka.
