Shillong, Lber 05: Ka iing dorbar jong ka KHADC bad JHADC kala kut mynta ka sngi, bad ka jingpyntrei kam ia ka jingpynjlan sa hynriew bnai ha kine ki ar tylli ki iing dorbar thawain jong ki District Council ka sdang mynta ka sngi.
Haba phai sha ka KHADC ia ka dorbar mang tyngka jong ka KHADC na ka bynta jong u snem mang tyngka 2024-2025 la pynkynriah noh sha ka 11/3/2024, ka jingpynkynriah ka dei na ka daw jong ka Monolith Festival kaban long lai sngi lynter ka bans dang ha ka 7 bad kut ha ka 9 tarik mynta u bnai.
Ki lat khubor ki iathuh ba ka dorbarmang tyngka jong ka KHADC kan long na ka bynta saw sngi bad kane ka mang tyngka kan long na ka bynta shisnem wat la ia ka iing dorkbar jong ka KHADC la pynjlan sa hynriew bnai kaban sdang naduh mynta ka sngi ka sngi kut jong ka iing dorbar thawain ka KHADC.
Kane ka jingpynjlan hynriew bnai ia kine ki ar tylli ki iing dorbar jong ka KHADC bad JHADC kan kut ha u Nailar, hynrei na k liang jong ka kabinet ka lah ban shim ia ka rai ban pynlong ia ka elekshon shuwa ban kut kane ka 6 bnai ne ka lah ban pynjlan shuh sha 6 bnai.
